Jamita Na Monding [PDF]

Zitiervorschau

Pangungkapon 21:7 “Teanon ni na monang i ma saluhutna; jala Ahu gabe Debatana, ibana gabe anakKu!”

hubunganta dohot angka na monding alai dibagasan Kristus pajumpang do hita. Nian dang boi be hita manghatai2, mengkel, tangis dohot amang on alai dibagasan Kristus boi do hita pajumpang.

Sian pamotoan ni Debata do sasude na masa di tonga-tonga ni ngolu ni jolma, ndang adong na buni di adopanna, patar jala tedek do saluhutna di adopanNa. Molo pe nuaeng jongjong hita paadopadop bangke ni damang na tahaholongi on na pasti sian pamotoan ni Debata do i. Debata do namangturhon umur ni jolma, jala Debata do namanontuhon ariari ni ngolu ni jolma. Didok Debata do: Ahu do parjolo jala parpudi, bonana jala ujungna. Alani i do saluhut na masa di tongatonga ni ngolunta sian pamotoan ni Debata do, nang arsak, nang las ni roha pe diboto Debata do. Ibana do manompa hita tu portibion sian orbuk ni tano jala ibana do muse namanjou hita tu hangoluan na so ra suda marhite hamatean i. Ai upa tinuhor ni dosa do hamatean alai basa ni Debata do hangoluan salelenglelengna marhitehite Kristus Tuhanta i. Di dok di Rom 14:7-9 : Ai

Nunga monang be tutu damang on alani Kristus naung manobus ibana, ai didok Debata do namonang i do muse manganhon parbue hangoluan, namonang i do manjalo ulos na saksak di banua ginjang, na monang i do hundul rap dohot Ahu di habangsangku na di Surgo i. Alani i asa tulus ma rohanta diparborhat ni damang natahoholongi on ala naung monang ibana. Tontu sahali godang do angka na dengagan na pinatupa ni amang on andorang di ngoluna, ima tiop hamu. Parange, panghataian dohot angka pambahenan na denggan. Debata ma na mangapusi ilu-ilu jala Debata ma na manungkoli haporseaonmuna asa marhite hamomonang ni amang on lam tatanda hinabalga ni holong ni Debata. Asa hita pe na pungu dison, marhite parmonding ni amang on naeng mangajarhon huhut paingothon hita taringot tu ujung ni ngolunta sogot. Alani taparade ma nang dirinta manjalo hamonangan na sian Kristus i.

ganup hita ndang mangolu di dirinta, jala laos ganup hita ndang mate di dirinta. Ai ia mangolu pe hita, mangolu di Tuhan i do; jala mate hita, mate di Tuhan i do! Asa mangolu manang mate pe hita, tong do di Tuhan i hita. Ai i do umbahen na mate Kristus jala mulak mangolu, asa Ibana Tuhan ni angka na mate, nang angka na mangolu. Alani i molo pe marsirang hita dohot damang na tahaholongi on marhite hamatean i namarlapatan do i na mangolu do ibana dibagasan Kristus. Ido umbahen andorang dipandidion di gareja didihon do posoposo i tu hamatean dohot tu hahaeon ni Kristus. Marhite pandidion i gabe sangkambona ma hita dohot Kristus, ibana ma ulunta hita ruasNa. Ala ni i hape ndang pola mabiar be hita tu hamatean i ala marhite Kristus do hita dipasada dohot angka na mate. Molo si Martin Luther mandok : jolma

na mangolu ima jemaat/huria na sai tongtong marjuang laho mangeahi hamonangan dibagasan Kristus, jolma naung monding ima huria naung dimonanghon Jesus. Alani i ndang gotap boti

Didok hata ni Debata do di Pangungkapon 14: 13 Martua ma angka na mate dibagasan Tuhan i, olat ni on! Tutu didok Tondi i, mansohot ma nasida sian parungkilonnasida, ai na mangihut ma tu nasida naniulanasida i! Amen.