29 0 60KB
BAHAN SERMON JAMITA TU MINGGU PASKAH II, 10 APRIL 2023 Ev: Ulaon Ni Apostel 3: 24 – 26 Topik: “DEBATA PAHEHEHON NAPOSONA” I.
Patujolo Aha do haporseaon? Di Heber 11: 1, didok “Alai anggo haporseaon i, posniroha doi di angka
sihirimon, jala pamotoan na tontu taringot tu naso ni ida”. Ala ni tung massai maol do anggo pamingkirion ni jolma laho mangantusi sangkap ni Debata nanaeng masa di ngolo ni jolma. Alai disituasi pardalanan ni ngolu ni jolma na ingkon pasorin mangadopi las niroha dohot arsak niroha saleleng di portibion, sipata boi mambahen jolma i madabu tu dosa. Di ragam ni angka silasniroha mura do jolma i manghatindanghon pangurupion ni Tuhan i, alai nang songoni do tong di na masa angka sitaonon, mura do tong jolma i mandok, “tutu do adong Tuhan i?”. boasa boi songoni? Ala sai berusaha jolma i laho mandodo sangkap ni Debata ido umbahen uju dang songon na nipikkiran nai gabe kecewa ma jolma i. Suang songoni do nang tarigot tu haheheon on. Torop do jolma na maol manghaporseai haheheon ni Jesus sian na mate. Ndang holan naso Kristen na maol manghaporseai haheheon ni Jesus, sian tongatonga ni halak kisten pe torop do na ganggu disi. Ala sai berusaha jolma i laho pamasukhon logika tu parniulaan ni Debata. II. Hatorangan ni Turpuk Ala adong naso porsea di haheheon ni Tuhan Jesus sian na mate, di pangke si Petrus ma hamamalum ni sahalak na lumpuon, patoranghon taringot tu na sintong do hehe Jesus sian na mate. Boasa longan rohamuna? On ma sungkunsungkun ni Apostel Petrus tu angka na torop (halak israel) na marnida hamamalum ni sahalak na pangpang sian hatutubuna. Ai tangkas do ditanda angka natorop halak na pangpang i. ai ganup ari do ibana diusung keluargana manang dongan na tulambung ni pintu bagas joro na margoar Na Uli (Gerbang yang Indah) laho mangido asiasi na bongot tu bagas joro i. laos taruli asiasi ma na pangpang i marhite hamamalum na pinatupa ni Apostel Petrus, ido umbahen gabe longang halak Jahudi, jala ro mandapothon si Petrus dohot si Johannes, pola marrongoman saluhut halak tu nasida nadua (ayat 11). Ra dirimpu nasida boi masa sisongoni ala hagogoon dohot huaso ni Apostel na duai. Alani do umbahen na nidok ni Apostel Petrus “boasa longang rohamuna mida on, boasa hami diberang hamu, songon na hira gogo nami sandiri manang hadaulaton nami mambahen mardalan halak on” (ayat 12). Laos dipatorang apostel Petrus ma paboa huaso ni Jesus do na patupahon i, ndada Alani huaso dohot gogo nasida umbahen na boi masa si songoni. Tutu sian hajolmaon ndang mungkin boi mardalan jala marinjakinjak na pangpang i. alai taingot ma, dang adong naso tarpatupa Tuhanta i (Lukas 1:37). Jala dang sanggup jolma i laho mandodo sangkap manang pambahenan ni Debata na naeng pamasaon na di ganup ngolu ni jolma. Marhite haroro ni si Petrus dohot si Johannes di luat i, diparhaseang nasida laho patandahon Jesus. Dipatorang si Petrus tu natorop i, ia Jesus ima: Naposo ni Debata na marsitaonon (ay. 17, 26); Jesus ima na Badia (ay 14); Jesus ima partogi (ay 15). Jala laos dipatorang si Petrus do ia hadirion ni Jesus
ima pasauthon bagabaga ni Debata tu si Abraham, asa gabe pasupasu tu sandok portibi. Dipatorang si Petrus tu angka na torop i, alai angka panurirang na sai manurirangi, mamungka sian si Samuel, angka ari on do na binaritahon nasida, hape dang dihaporseai halak Jahudi. Na nidokni si Petrus, ro Jesus tu portibi on, parjolo na tinopotNa ima halak Jahudi, bangsoNa, hape dang dijanghon, gariada di bunu. Alai nang pe dibunu halak Jahudi Jesus, dipahehe jala dipabangkit Debata do Ibana tu banua ginjang, dipanotnoti angka siseanNa. Jala dihatindanghon si Petrus na Jesus do na pamalumhon na pangpang i marhite sian hadirion nasida songon sisean ni Jesus. Dipaboa si Petrus i asa porsea nasida di Jesus naung hehe sian hamatean, jala naung manaek tu banua ginjang. Dung dipatandahon si Petrus, ia Jesus ima na binagabagahon dohot na binaritahon ni angka panurirang, naeng disungguli si Petrus nasida asa manghaporseai haheheonNai marhite na paubahon roha nasida. Hata baubahon roha, lapatan na berpaling, memalingkan diri,, membalikkan diri, songon sahalak nnaung lilu di dalan naboi muse mulak tu dalan na sintong. Na mangihut, marhite pandohan ni Apostel Petrus di ayat 25 “Hamu do anak ni angka panurirang i jala partohap dipadan na binahen ni Debata tu angka amanta i, unu nanidonai tu si Abraham”. Marhite pandohan i, molo porsea halak Jahudi jala dibauba rohana, margogo manasida mangulahon panjouon najinalo nasida marhite si Abraham, Ompu nasida i, gabe pasupasu tu angka bangso. Ulahonon nasida mai marhite na mamaritahon hamonangan ni Jesus maralohon hamatean. III. Sipahusorhusoron Hinorhon ni haporseaon do umbahen na barani Apostel Petrus mangasahon goar ni Tuhan jala mandok “Marhitehite goar ni Jesus Kristus na sian Nazaret i, mardalan ma ho” (ay 6). Hinorhon ni haporseaon do umbahen na dipangasahon apostel Petrus huaso ni Jesus patupahon saluhutnai, jala hinorhon ni haporseaon do boi malum na pangpang i, jala dipuji ibana Debata. Asa marhite turpuk jamita on, naeng lam porsea ma hita tu Tuhan Jesus, tarlumobi asa porsea hita dibarita haheheonNa i. antong porsea ma hita disi. Asa di na porsea hita di haheheonNa i, laos porsea ma hita di huasoNa. Molo porsea hita tu Ibana, loasonNa do hita marnida angka halongangan dipardalanan ni ngolunta. Antong unang be ganggu rohanta manghaporseai Tuhan Jesus i, jala unang be sai tapangasahon pingkiranta laho mandodo sangkap ni Debata. Manang aha pe na masa di ngolunta, naeng tongtong tahaporseai jala tapangasahon Ibana, asa tarpasupasu ngolunta di adopanNa. Amen.