Tata Ibadah Natal Permata [PDF]

Zitiervorschau

C.

VARIA NATAL ( iaturken Panitia Natal ) LITURGI NATAL PERMATA GBKP KLASIS PEMBANGUNAN MEDAN DELITUA TAHUN 2019

SELAMAT HARI NATAL & TAHUN BARU TUHAN YESUS MEMBERKATI, AMIN

Tema : Ersinalsal Ibas Kemajun Zaman (Ef.5:10-17) Sub Thema : Ketubuhen Yesus Kristus pengasup anak permata tetap encidahken Sinalsal Tuhan arah dirina ibas perkembangen Teknologi Informasi (IT) guna kiniulin kerina jelma.

LITURGI KEBAKTIN NATAL PERMATA KLASIS PEMBANGUNEN MEDAN DELITUA TAHUN 2019 Tema

: Ersinalsal Ibas Kemajun Zaman (Ef. 5:10-17)

Sub Tema

: Ketubuhen Yesus Kristus pengasup anak Permata tetap encidahken Sinalsal Tuhan arah dirina ibas perkembangen Teknologi Informasi (IT) guna kiniulin kerina jelma

A. PERSIKAPEN 1. Rende piga-piga lagu Ibabai MC 2. Penjelasen liturgi kata pengalo-ngalo ibas panitia natal nari (MC). 3. Paksa sie panitia natal, pengkhotbah ras pelayan khusus (pt/Dk) ersikap ibas kamar persikapen 4. Rende KEE No. 114 : 1-2 (Perpulungen tedis- barisen prosesi mengketi ruang kebaktin) Sendah jumpa kita wari raya e, Peringeten tubuh Tuhan Yesus e Nusur ndahi kita manusia e, keriahen kap e Reff… Ermulia me Tuhanta e sipuji me gelarNa Perdamen ib’re Dibata Tuhan Yesus kap e Mari kita ku kuta Betlehem e, Muji nembah man Tuhanta Yesus e E tinenges Tuhan siperkuah e, Dibata Bapa e B. KEBAKTIN 1. Votum : Kebaktin Natal Permata enda ibenaken ibas gelar Dibata Bapa sinjadiken kerina sinasa lit, ibas gelar Yesus Kristus si reh kudoni enda guna nebusi dosa manusia, Ras ibas gelar Kesah Sibadia simereken gegeh ras simpelimbarui kegeluhenta 2. Salam : Perkuah ate ras dame ibas Dibata Bapa ras ibas Tuhan Yesus Kristus nari ibas kerembaken Kesah Sibadia ras kita (kam) kerina gelah. Amin Perp. : Amin…. (iendeken : 3x)

16. Koor/VG 17. Tekad ras Pengutusen (Perpulungen Tedis) L : Yesus Kristus enggo reh nerangi pusuhndu gelah ngasup kam ndalanken si ngena ateNa P : Erpadan kami Tuhan tetap njagai pusuh kami gelah ndalanken sura-suraNdu janah la kami ngit italuken sura-sura doni enda. L : Bagi Kristus ersinalsal man doni enda, kam pe selaku anak-anakNa Ersinalsal lah man kerina jelma P : Erpadan kami Tuhan segelah geluh kami erguna man teman kami manusia arah kepenterenNdu si ipakeken kami empergunaken teknologi ibas kegeluhen kami. L+P : Amin 18. Rende KEE No. 381 : 1-3 Sura-sura Yesus bangku, ersinalsal tetap Nggeluh bujur ras mehuli, si ngena ateNa Reff… Ersinalsal terang, em sini suraken Yesus Ersinalsal terang, ku tetap ersinalsal Sura-sura Yesus bangku, nandangi geluhku Mpehaga turang senina, si sampat-sampaten Kupindo Yesus nampati, njaga pusuhku e Gelah ngasup ersinalsal ngikutken Tuhan e 19. Pertoton Tuhan 20. Pemasu-masun L : Dibata Bapanta si jadi ulu kepentaren tetap engkelengi kita (kam). Tetaplah jadi anak-anak Dibata si ersinalsal, saksikenlah kemulian Tuhan arah geluhndu. Sijadi gegehndu, alokenlah pasupasu idur Dibatanta nari: Dibata si mada perkuah ate, si enggo nenahken kita (kam) ku kemulianNa si rasa lalap ibas Kristus, njadiken kita (kam) serta, tetap, megegeh dingen paguh. Man baNalah kemulian seh rasa lalap, Amin P

: Amin….3x (iendeken)

12. Khotbah : (Perpulungen kundul) Pertoton sope khotbah Khotbah Pertoton kenca dung khotbah 13. Pengakun Kinitekan

(Perpulungen Tedis)

14. Koor/ VG : …

(Perpulungen kundul)

15. Nehken Persembahen Pengataken Bujur (100% guna dana pensiun GBKP) Kata Dibata kerna persembahen pengataken bujur : Ngataken bujur eme persembahen sipehagaken Aku, janah si patuh ngikutken Aku tentu Ku kelini (Mas. 50 : 23) Rende :KEE 471 Ermengkah ukurku, ras ngataken bujur Tuhan Kelengi min aku, Kam empu geluhku Enda ngenca Tuhan persembahenKu Kerina geluku kesah ras kulangku La kap lit bas aku erta kebayaken Si cukup meherga ‘ lah ku persembahken Sada ngenca Tuhan lit pemindoku Aloken min Tuhan persembahenku Pakeken geluhku jadi perkakasNdu Segedang geluhku ERTOTO KERNA PERSEMBAHEN RAS SYAFAAT Topik pertoton syafaat: 1. Kerina kepengurusen Permata (Pusat, Klasis, Runggun, Perpulungen, sector) gelah tetap tutus ndahiken dahinna ibas kepenguresen Permata. 2. Gelah kegeluhen Permata tetap ersinalsal ibas perkembangen teknologi informasi, makeken kepentaren Dibata ibas ngidah peluang si mehuli ras nirangi si la mehuli. 3. Panitia Natal permata 4. Pensiunen GBKP 5. Pemerintah

3. Invocatio Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina Dibata, Bapandu si i Surga” (Matius 5: 16) 4. Rende : KEE No. 494 : 1-3 Rende malekat surga, enggo tubuh Tuhanta Dame surga babaNa ibrekenNa man banta Krina bangsa pujilah, rende surak M’ riahlah Ras malekat mbarkenlah Yesus reh ku Betlehen Rende malekat surga, enggo tubuh Tuhanta Surga muji gelarNa, Tuhan si rasa lalap Nehenlah reh Tuhanta tubuh raja mulia Nusur ku doni enda tubuh idur Maria Tuhan jadi manusia rembak kita ras Ia Rende malekat surga enggo tubuh Tuhanta Ibas keleng ateNa kita i muliakenNa Arah ketubuhenNa gluh simbaru brekenNa Trang kegluhen babana kita jadi anakNa Malem ate bas Ia enggo tubuh rajanta Rende malekat surga enggo tubuh tuhanta 5. Kiniulin Tuhan man manusia (Perpulungen kundul). L : Katakenlah bujur man Tuhan, momokenlah kemulian ras perbahanenNa ku krina bangsa manusia. P : Rendelah muji Tuhan, siturikenlah perbahanenna si mejin L : Arah ukurNa jine itadingkenNa kerina si lit ibas IA, nusur ku doni enda jadi seri Ia ras manusia. P : Bujur Tuhan ibas kekelengen ras kiniteruken ukurNdu. Enggo reh KAM ndahi kami manusia ibas ketubuhen Yesus Kristus, si jadi juruselamat kami L : Ia kap anak Dibata si itetapken jadi simada kerina sinasa lit P : Arah Ia ersinalsal terang kemulian Dibata, Ia me sinatang kerina si nasa lit alu kataNa si erkuasa. Amin.

6. Rende KEE No. 354 : 1,3 Kam si Mbelin, Kam terb’ rita, Kam kap sitermulia Mehuli Kam dingen erkuasa, Kam simada k’ rina si nasa Reff. Sinalsal Kelengate Tuhan, bagi emas si labo luntur Rejin tuhu dolatNdu Tuhan, ngarak-ngarak kegeluhen. Genduari, O Dibata, ku sehken bujur baNdu Terpuji kam simada k’ rina, si ngkelengi kegeluhenku 7. Berita Kerna Dosa Manusia L :

Kekelengen Tuhan, sura-sura Dibata reh ku doni enda segelah manusia lanai ikuasai dosa kegeluhanenna.

P :

Ngaku kami Tuhan, lenga nggeluh sue ras surasuraNdu. Megati denga kepentaren si lit ibas doni enda si ngerajai pusuh kami. O Tuhan alemi min kami.

L :

Kam kap anak Dibata si ipilihNa. Enggo nge icidahkenndu biakndu selaku anak-anak Dibata?

P :

Ngaku kami Tuhan, megati terbuni denga terang e ibas kegeluhen kami. Lenga kami ngasup ersinalsal ibas kemajuan zaman enda, teknologi si reh majuna arusna maba geluh kami ersikapna, reh damena, reh rembakna ras Kam. tapi kinata erbahan kami erdauhna ras Kam. O Tuhan alemi min kami.

L :

Mari tole sigejapken ras siakuken salah dosanta arah ende-endenta man Tuhan..

KEE No 362 : 1-3 AlemiNdu aku bas dosangku Alemindu aku bas lepakku O Tuhan sasap min, O Yesus sasap min Alemi dosangku Si la payo dem ibas geluhku Ngaku aku baNdu o Yesusku O Tuhan sasap min, O Yesus sasap min Alemi dosangku

Ku janari ‘ ku baba geluhku dengkehkenndu min pingko-pingkoku O Tuhan sasap min, O Yesus sasap min Alemi dosangku 8. Berita Pengalemi Dosa (Perp. Tedis) La ate Dibata anak-anakNa bene ibas kegeluhen si la erguna. emaka tetap kita ialemi dingen ipelimbaruiNa. Nina Tuhan man kalak si ngakuken dosana: “ Aku kap Dibata si nasapken dosa-dosandu, janah si e kulakoken erkiteken bage kin biakKu. Lanai Kupeinget-inget kerina dosa-dosandu” Amin. (Yesaya 43:25) 9. Rende KEE 115:1,3 Keriahen Si Mbelina Keriahen si mbelinna si kuberitaken e, Enggo tubuh si permakan, eme Tuhan Yesus e. Pujilah min Dibatanta ras dame-dame- dame man banta Dibatanta si erkuah ate man kita jelma e Tuhan Yesus persadanta, em isuruh Bapa e…. Sinasapken krina dosa ibas Golgota kepe Pujilah min Dibatanta, ras dame,dame, dame man banta Dibantata si erkuah ate man kita jelma e 10. Drama : …

(Perp. Kundul)

11. Rende KEE No. 135 : 1-3 (Perp. Tedis- Lilin Natal isagani) Berngi e, enggo kepe, Yesus reh kudoni e Nusurlah ngangkut dosanta me kin Jadi kap musil lah sangap pagin Asa sitek Tuhan e 2x Anak e bujur pe, singena me aku e KiniulinNdu tadingken Kam kap Bengket ku doni lah trang sigelap Aku daramenNdu e 2x Berngi e, enggo kepe, Tuhan reh ku doni e Padan Dibata teridah tetap KinikelengenNa banta me kap Tuhan sipuji gelah 2x